कोरोना (मैथिली)

चहुंओर मचल अछि हाहाकार

खाली पड़ल विद्यालय-महाविद्यालय

सुनसान अछि सड़क आ बाजार

कोरोना सं सबके बचाबू सरकार

चहुंओर मचल अछि हाहाकार ।

अनवरत चलैत आबि रहल अछि

पर्यावरणक क्षरण जीव-जंतुक शिकार

मनुक्खक असीमित महत्तवकांक्षा

उताहुल अछि समाप्त करबा लेल संसार

चहुंओर मचल अछि हाहाकार ।

मंगल पर घर बसेबाक सपना देखैत

आ चान के अपन मुठ्ठी मे केनिहार

बड़का-बड़का पावर हाउस सब

सृष्टिक सोझा भ गेलाह अछि लाचार

चहुंओर मचल अछि हाहाकार ।

गेंठ बान्हि लिय प्रकाशक विचार

वन-झांखुर,नदी-पहाड़,पोखरि-डबरा

पशु-पक्षी खेत-खरिहानक संग

आबो राखू नव जीवनक आधार

चहुंओर मचल अछि हाहाकार ।।

@प्रकाश कुमार झा

भागलपुर

9431874022