मैया एलौं कोना इ कोरोना काल मे
बझल अछि दुनियां कोन जंजाल मे ना
केहेन समय छै ने कहियो देखल
एहेन दुर्दिन ने आई धरि सोचल
देखू कोना लोके सं लोक डेरायल छै
कतेक दर्द भक्तक एहि सवाल मे ना
मैया एलौं अहां..........
नौकरी-चाकरी सब छै छूटल
जन-मजूर भेल घर सं बेघर
विनती करैत बेरोजगारी सं घेराएल छै
बाले-बच्चे भूख सं बेहाल भेल ना
मैया एलौं अहां...........
धिया-पुता के स्कूलो बंद छै
मंद पड़ल देश-दुनियांक व्यापार
सरकारोक सुधि-बुधि हेराएल छै
चहुँ दिस मचल कोन बवाल छै ना
मैया एलौं अहां...........
चुनावक सभा पर नहिं छै पहरा
वोटक लेल कोरोनो भागल
मुदा पूजा-पाठ मेला सं डेराएल छै
अपना देशक नेता सभ कमाल छै ना
मैया एलौं अहां...........
©प्रकाश कुमार झा
आकाशवाणी, भागलपुर
श्रेष्ठ रचना!
जवाब देंहटाएंजय भगवती!